ᐸᕐᓇᐅᑎᕗᑦ ᑲᒪᒋᔭᖃᑦᑎᐊᓂᖅᓴᐅᓂᕐᒧᑦ
ᐋᓐᓂᐊᖅᑐᓕᕆᓂᕐᒧᑦ ᑲᒪᒋᔭᖃᕐᓂᕐᒧᑦ ᐊᑐᖅᑕᕗᑦ ᑐᐊᕕᕐᓇᖅᑐᒦᓕᖅᑐᖅ ᐊᒻᒪ ᐱᔪᓐᓇᙱᑦᑐᖅ ᐅᑭᐅᑕᖅᑐᒥ ᐋᓐᓂᐊᖅᑐᓕᕆᓂᕐᒧᑦ ᑲᒪᒋᔭᖃᓂᕐᒧᑦ ᐃᖅᑲᓇᐃᔭᖅᑏᑦ ᓯᐊᒻᒪᖅᓯᒪᔪᑦ, ᐃᖅᑲᓇᐃᔭᖃᑦᑕᖅᑐᑦ.
ᐃᖅᑲᓇᐃᔭᑭᔅᓴᖃᑦᑕᖅᑐᓂᑦ ᖃᓄᐃᓐᓂᕆᔭᖏᓐᓂ – ᖁᕝᕙᓯᑦᑐᒥᑦ ᑕᖃᑎᑦᑎᕙᑦᑐᑎ ᐊᒻᒪ ᐊᑦᑕᓇᖅᑐᒦᓕᖅᑎᑎᓪᓗᑎ ᑲᒪᒋᔭᖃᓂᕐᒧᑦ.
ᐃᖅᑲᓇᐃᔭᖅᑎᑭᔅᓴᕐᓂᐅᔪᑦ ᑐᑭᖃᖅᑐᖅ ᐃᓚᖏᓐᓄᑦ ᓄᓇᓕᓐᓄᑦ ᑐᓐᖓᕕᔭᔅᓴᐅᔪᓂᑦ ᐋᓐᓂᐊᖅᑐᓕᕆᓂᕐᒧᑦ ᑲᒪᒋᔭᖃᓂᕐᒧᑦ ᐱᑕᖃᖏᑦᑐᑦ, ᓄᓇᓕᒻᒥᐅᑕᐃᑦ ᓵᓐᖓᑎᓪᓗᑎ ᓇᓪᓕᑭᑕᖅᑐᓂᑦ ᒪᑐᖃᑦᑕᖅᑐᓂᑦ ᓄᓇᓕᒻᒥ ᐋᓐᓂᐊᕕᓐᓂ.
ᖁᕝᕙᓯᑦᑐᑦ ᐃᖅᑲᓇᐃᔭᖅᑏᑦ ᓄᖅᑲᖃᑦᑕᕐᓂᖏᑦ ᐊᒻᒪ ᑐᙵᓂᖃᓂᕐᒧᑦ ᑳᓐᑐᕌᖅᑎᑦᑎᓂᕐᒧᑦ ᑐᑭᖃᖅᑐᖅ ᑖᒃᑯᐊ ᐋᓐᓂᐊᖅᑐᓕᕆᓂᕐᒧᑦ ᑲᒪᒋᔭᖃᓂᕐᒧᑦ ᐃᖅᑲᓇᐃᔭᖅᑏᑦ ᐃᓚᒋᔭᐅᓕᖅᐸᖏᑦᑐᑦ ᓄᓇᓕᒻᒧᑦ – ᑐᑭᖃᖅᑐᖅ ᑲᔪᓰᓐᓇᖏᓂᖅᓴᐅᔪᑦ, ᐱᖅᑯᓯᓅᖓᔪᓂᑦ ᑲᒪᒋᔭᐅᓂᐃᕐᒧᑦ ᐋᓐᓂᐊᕕᓕᐊᖅᓯᒪᔪᓄᑦ.
ᐋᓐᓂᐊᖅᑐᓕᕆᓂᕐᒧᑦ ᑲᒪᒋᔭᖃᓂᕐᒧᑦ ᐃᖅᑲᓇᐃᔭᖅᑏᑦ ᐅᑭᐅᑕᖅᑐᒥ ᐱᓕᕆᔪᓐᓇᕐᓂᖃᖅᑐᑦ, ᐃᖅᑲᓇᐃᔭᖃᑦᑕᖅᓯᒪᔪᑦ ᐊᒻᒪ ᐃᓱᒪᒋᔭᖃᖅᑐᑦ ᒐᕙᒪᐃᑦ ᐱᐅᓯᑎᑦᑎᒋᐊᕆᐊᖃᕐᓂᖏᓐᓄᑦ ᑲᒪᒋᔭᖃᓂᕐᒧᑦ ᐊᒻᒪ ᐊᑦᑎᓪᓕᒋᐊᕐᓗᒋᑦ ᐊᑭᖏᑦ − ᑭᓯᐊᓂ ᐃᑉᐱᒍᓱᑦᑐᑦ ᓈᓚᑦᑕᐅᓱᒋᖏᒻᒪᑦᑕ.
ᐊᒥᓱᓂᑦ ᐊᕐᕌᒍᓂᑦ, ᐋᖅᑭᒍᑎᒨᕐᓗᓂ ᑖᔅᓱᒧᖓ ᑐᐊᕕᕐᓇᖅᑐᒧᑦ ᑐᓐᖓᕕᖃᖅᓯᒪᔪᑦ ᑳᓐᑐᕌᖅᑎᑦᑎᓂᕐᒧᑦ ᐃᖅᑲᓇᐃᔭᑲᐃᓐᓇᖃᑦᑕᖅᑐᓂᑦ ᐋᓐᓂᐊᖅᑐᓕᕆᓂᕐᒧᑦ ᑲᒪᒋᔭᖃᓂᕐᒧᑦ ᐃᖅᑲᓇᐃᔭᖅᑎᓂᑦ ᖃᓪᓗᓈᑦ ᓄᓇᖓᓐᓂ. ᒫᓃᖃᑦᑕᖅᑐᑦ ᐊᑯᓂᐅᖏᑦᑐᖅ, ᐊᒻᒪ ᐊᑭᓕᖅᑕᐅᖃᑦᑕᓂᖅᓴᐅᓪᓗᑎ ᓴᓂᐊᓂ ᓄᓇᓕᒻᒥᐋᓐᓂᐊᖅᑐᓕᕆᓂᕐᒧᑦ ᑲᒪᒋᔭᖃᓂᕐᒧᑦ ᐃᖅᑲᓇᐃᔭᖅᑎᓂᑦ.
ᑭᓯᐊᓂ ᑳᓐᑐᕌᖅᑎᑦᑎᓂᖅ ᐋᖅᑭᔅᓯᔾᔮᖏᑦᑐᖅ ᐋᓐᓂᐊᖅᑐᓕᕆᓂᕐᒧᑦ ᑲᒪᒋᔭᖃᓂᕐᒧᑦ ᑐᐊᕕᕐᓇᖅᑐᒥᑦ:
ᒫᓐᓇ ᐊᓯᔾᔨᕆᐊᖃᓕᖅᑐᖅ ᖃᓄᐃᓘᖃᑦᑕᖅᑕᕗᑦ. ᐅᑭᐅᑕᖅᑐᒥ ᐋᓐᓂᐊᖅᑐᓕᕆᓂᕐᒧᑦ ᑲᒪᒋᔭᖃᓂᕐᒧᑦ ᑕᑯᔅᓴᐅᑎᑦᑎᓂᐅᔪᒥᑦ ᓈᒻᒪᑦᑐᒥᑦ ᐊᑐᖅᑕᐅᔪᒥᑦ, ᐋᓐᓂᐊᖅᑐᓕᕆᓂᕐᒧᑦ ᑲᒪᒋᔭᖃᓂᕐᒧᑦ ᐅᑭᐅᑕᖅᑐᒥᐅᑕᐃᑦ ᐱᔭᕆᐊᖃᖅᑕᖏᑦ ᑎᑭᑕᔅᓴᐅᓗᑎ. ᑮᓇᐅᔭᖅᑐᕐᓂᖃᖏᖔᕐᓗᑎ ᐊᑭᑐᔪᓂᑦ ᐋᖅᑭᒍᑎᐅᑲᐃᓐᓇᖅᑐᓂᑦ, ᐱᓕᕆᑎᑦᑎᔪᓐᓇᖅᑐᒍᑦ ᐸᕐᓇᑕᐅᓯᒪᔪᒥᑦ ᐋᖅᑭᓪᓪᓗᒍ ᐊᑐᖅᑕᐅᔪᖅ ᑕᐅᕗᖓᓕᒫᖅ.
ᑐᕌᖅᑕᐅᓯᒪᔪᓂᑦ ᖃᓄᐃᓕᓯᒋᐊᓂᕐᒧᑦ ᑖᒃᑯᓂᖓ ᐱᖓᓱᓂᑦ ᓇᒦᓐᓂᕆᔭᖏᓐᓂ ᐊᖏᔪᒥᑦ ᐊᑦᑐᐃᓂᖃᕈᓐᓇᖅᑐᑦ:
ᓄᖅᑲᖅᑎᑕᐅᓂᖓ ᑳᓐᑐᕌᖅᑎᑦᑎᖃᑦᑕᓂᕐᒧᑦ ᐅᑎᖅᑕᕐᓂᖓ ᐊᒻᒪ ᐱᓕᕆᑎᑦᑎᓂᕐᒥᑦ ᐅᑭᐅᑕᖅᑐᒥ ᐋᓐᓂᐊᖅᑐᓕᕆᓂᕐᒧᑦ ᑲᒪᒋᔭᖃᓂᕐᒧᑦ ᐃᖅᑲᓇᐃᔭᖅᑎᓂᑦ, ᓇᓗᓇᐃᖅᓯᒍᓐᓇᖅᑐᒍᑦ ᑖᒃᑯᐊ ᐋᓐᓂᐊᕕᓕᐊᖅᓯᒪᔪᑦ ᑲᒪᒋᔭᐅᓂᖏᓐᓄᑦ ᐱᔭᕆᐊᖃᖅᑕᖏᓐᓂ, ᐱᔭᕆᐊᖃᓕᕋᐃᒻᒪᒋᑦ – ᐊᒻᒪ ᑖᒃᑯᐊ ᒐᕙᒪᒃᑯᑦ ᑮᓇᐅᔭᖅᑐᖏᓐᓂᖅᓴᐅᓗᑎ ᐊᑯᓂᐅᔪᒧᑦ. ᑖᓐᓇ ᑕᐃᒪᑕᔅᓴᐅᔪᖅ ᐸᕐᓇᐅᑦ ᐋᓐᓂᐊᖅᑐᓕᕆᓂᕐᒧᑦ ᑲᒪᒋᔭᖃᓂᕐᒧᑦ ᑮᓇᐅᔭᐃᑦ ᐅᑭᐅᑕᖅᑐᒦᑎᓪᓗᒋᑦ, ᐊᒻᒪ ᐱᐅᓂᖅᓴᓕᐅᕐᓗᑕ ᖃᓄᐃᓂᖏᑎᐊᖅᑐᓂᑦ ᓄᓇᓕᓐᓂᑦ ᑭᒃᑯᓕᒫᓄᑦ. ᐃᖅᑲᓇᐃᔭᖃᑎᒌᑦᑕ ᑕᒪᓐᓇ ᑕᐃᒪᐃᓕᑎᓪᓗᒍ.